بما ان الاجواء مشحونه بذبذبات سلبيه
تاره للإستجواب المنتظر وتارة اخرى للبورصه وانهيارها .
وبما ان الجرايد ماعندهم سالفه غير المليفي .
قررت ومن باب التغيير اني مااماشي الموجه السائده .
استجواب – هبوط .
وابلش اشخبط .
الإحراجات ..
وماادراك ما الاحراجات ..
تعريف الاحراج : حاله نفسيه تصيب الشخص بوقت حده مومضبوط تؤدي الى احمرار الوجه وخروج الدخان من الاذن الوسطى .
يعني صج كلش وضع موصحي ولا منطقي اللي قاعد يصير
اذكر من اكثر المواقف المحرجه اللي تعرضت لها في حياتي
شفيني ماسكه على الفصحى اليوم
موقف من جم سنه بس من كثر مااهوا قوي ومأثر بأعماق مخي وتفكيري موراضيه انساه
الموقف من كثر مااهوا يفشل ماطلع دخان من الأذن الوسطى الا شق الطبله وطلع .
هذا في بوم اسود قررت اروح الجمعيه وطبعا من زود الطفاقه والعيله لبست وطلعت بسرعه
وصلت الجمعيه نزلت بكل ثقه وافتريت بالجمعيه بكل ثقه وعلى أأل من مهلي وانا اخذ الشغلات خلصت ورحت السياره ابطل الباب ولا برد طايح ع الكشن يعني ايس كريم لغير الناطقين بالعربيه لا وكاكاو بعد
اطل افر التنوره ولا البرد مسوي عمايلووه ورا
اوروبا بكبرها بضيافة تنورتي لا والقهر التنوره بيضا
هههههههههههه يعني اللي يحب النبي يطمش
تبلعمت خو هوا ماكو ابي اتنفس انسى يامن يوصلني بيتنا
واللي يحر القلب زود ان الشابه اللطيفه اللي معاي ماكلفت خاطرها تقولي ومشيه الفلم علي
والله هالحجي من جم سنه بس الصدمه كانت قويه
صار فيني وسواس برد بسبتها
هذا اول المواقف اللي بحطها ..
وماني مطوله عليكم .
دوركم :).
هناك 19 تعليقًا:
اول امس رايح السوق الضحر ولابس تي شيرت يديد وقاعد اتسوق
اشوف الناس يطالعوني
ولما رديت البيت تخيلي لزقة السايز مالت التي شيرت هالطول من اول التي شيرت لي اخره وانا ماادري
الضحر = الضحى
انا مره كاشخ
ووطلعت
ووصلت المكان ودخلت
التفت تحت
والا نعال سبورتي
نسيت ابدله
ورجعت فورا
eng_q8
اهم شي لزقة السايز لووول
لا بدعت عدل :)
mok
اووف اكره شي هالحركه لوول
بس زين رجعت بدلته :)
انا والله ودي اقول
بس مواقفي كلها تفشل
ما تنقال
:(
عثماني
شدعوه زين واحد ع الاقل :)
مرة الظهر ويوم يمعه قبل سنين لابس تكرمون جوتي يديد من الحفيز , عند المدخل كانو ينظفون بالماي والصابون وكانو ماشين مكان ومكان لا
ييت وانا داخل على بو رشاقة بطمر والا ذيج الزلقة اللي صج عورتني , بس اشوة ما تدمرت هدومي وهذا اللي خلاني ادخل الجمعية واطلع من الباب الثاني عشان المرة اللي وراي مابي اشوفها واهي تضحك :(
هههههههههههه
اذكر يوم كنت بالكويت
مواعد صاحبي بالقهوة
ودخلت القهوة ولا اكو كرسي طويل وكان واحد منسدح على ظهره وحاط ايده على راسه
انا حسبالي صاحبي
جان اروح له وامسك ايده وراسه واقوله عيب عيب انت قاعد بقهوة مو بيتكم
جان يقوم يتعدل ولا الحبيب مو صاحبي
لوووووووووووول
حمد
لووول لا صج الطيحه تعور اهم شي طلعت من الباب الثاني هههههه زين تسوي
تسلم ع المرور :)
kuwaitawy
لووول زين ماصارت
المره اليايه ركز لا اطيح بواحد ايده طرشه :)
تسلم ع مرورك :)
المليفي حط حق كل نائب برّد على كرسية :)))
كلها جم يوم ونشوف النتيجة
اذا البرد بيكشف المستخبي
فــ كتر منوه :)
سعيده بحضورك :)
ساعات اروح الجمعية و احط العربانة مكان و ارجع لها على بو انها عرباتنا ولا تطلع عربانة ناس
KuWaIt MaStEr
تصير وايد بس لا يكون بو العربانه المقتحمه اللي على بو انها عربانتكم يمها علشان لا يعطيك الخزه اللي اهي :)
ههههههههههههههههه
مآ أبي أضحك وآيد أخآف ربي يبتليني ..!!
تصدقين عآد .. لو أنآ بشوف هالحركآت بتنورتج .. كآن أقول هذي الموضة هههههههههههههه
الف شكر حبيبتي ..
صدى
جان زين
من الفشله اتوقع اضحك معاج واقولج ها شرايج بس مو حلوه على بو انه موضه هههههههه
اي لا تضحكين وايد موزين علشان لا تبتليين ههههههه
حياج الله حبوبه
هههههههههههههههههههه بينك بينك بينك ..!!
تعآلي أعظج يآ بنت ..!!
أدري بتقولين إشعندهآ هالبنت كل يوم مسيرة هنآ .. بس رديت بخبرج شي ..
أمس كنت أقول موقفج مع التنورة لأمي .. وجلست تضحك بقوة ..
بعدهآ بسآعتين .. دقت جدتي ع التيلفون .. وجلست أمي تكلمهآ ..
لمن قآمت .. أكتشفنآ إنهآ جآلسة على شوكولاته .. ههههههههههههههه
قلت حق امي لا تضحكين .. بس مآ سمعتني ..
لوووووووووول ..
أختكـ ..
صدىْ..~
صدى
ههههههههههههه شفيها الوالده حاشتها العدوه
اهم شي انها فالبيت مو مكان عام ولا جان سوالف ههههههههههه
شفتي قايلتلج لا تضحكين ههههههههه
فديتج المكان مكانج حياج بأي وقت
اختج بينك
إرسال تعليق