الأحد، 16 نوفمبر 2008

وبعديــن يعني





بتحلطم شلون يعني ..
او على قولتهم بفش خلئي ... :)

الغريب والمضحك المبكي الوضع اللي قاعد يصير بالديره

يعني كل يوم طالعين لنا بموال يديد

وموال عن موال يفرق صكوا على عمالقة الفن بالتبدع

اولها وبلشوها في :

شيليمهن شيلمهن

استجواب المليفي لرئيس مجلس الوزرا

وقامت الدنيا وماقعدت والكل ينطر وهيا بنا نحو الديمقراطيه ويالله خل نشوف ديقراطيتنا وين بتودينا

وكالعاده تزحلق الاستجواب وانكسرت ضلوعه

ورد صاحبنا التحيه بأحسن منها

طبعا يردها ليش مايردها

عمار ياكويت

وقف تداولات البورصه

نعم بالبونط العريض قفلنا (الدكان مسكر رد باجر) شمعوه بالشمع الاحمر

الظاهر لاقين جم قارض على جم حشره تياره (طياره) يحوسون بالفسحايه يم الكراسي

وقالوا خطر ع الصحه مايجوز

وشمع ياعم

سابقه ولا اروع احسن مافيها ان احنا اول ناس سويناها ياختسي علينا نحب التميز والتفرد والابداع

نعم الالماس يظل الى الابد

بالضبط هالدعايه تمثل احساسي حزتها نعم تميز الالماس يظل الى الابد

القرصه اليديده

المشهد اليديد وهو السيد الفالي

في عندنا تصرفات عجيبه فالكويت على قولت اخوانا (بدع)

يعني يه الريال وسب الصحابه صح امانا بالله زين اخذوه وحاكموه ثبت عليه الامر سفروه

يطلع الطبطبائي ويصرح ترا ها اذا ماتسفر بتصير وحده بوحده

بستجوب مو تقولون :)

تصدقون احس جنه استجواب رئيس مجلس الوزرا ورقة جنجفه الكل يستانس اذا طاح بيده الجوكر

الوضع اللي قاعد يصير يخوف صج

بس السؤال اللي يسدح نفسه بتفرد اهني

منو اللي بطيح بيده الورقه المره اليايه وعلى شنو بيساومون


وهيلة يارمانه الديره خربانه







الثلاثاء، 4 نوفمبر 2008

الأحد، 2 نوفمبر 2008

مطـ ر.. مطــ ر


مطـــر .. مطـــر .. مطـــر ..
الفصل ربيع والجو بديع ..
أفــ لي على كُل المواضيع ...
الجو كلش مو مال دوام ... :)
:
وكل مُطـر وانتوا .. بخيـ ر ...

الاثنين، 27 أكتوبر 2008

الإحراجات





بما ان الاجواء مشحونه بذبذبات سلبيه

تاره للإستجواب المنتظر وتارة اخرى للبورصه وانهيارها .

وبما ان الجرايد ماعندهم سالفه غير المليفي .

قررت ومن باب التغيير اني مااماشي الموجه السائده .

استجواب – هبوط .

وابلش اشخبط .

بلشنا يبا ..

الإحراجات ..

وماادراك ما الاحراجات ..

تعريف الاحراج : حاله نفسيه تصيب الشخص بوقت حده مومضبوط تؤدي الى احمرار الوجه وخروج الدخان من الاذن الوسطى .

يعني صج كلش وضع موصحي ولا منطقي اللي قاعد يصير

اذكر من اكثر المواقف المحرجه اللي تعرضت لها في حياتي

شفيني ماسكه على الفصحى اليوم

موقف من جم سنه بس من كثر مااهوا قوي ومأثر بأعماق مخي وتفكيري موراضيه انساه

الموقف من كثر مااهوا يفشل ماطلع دخان من الأذن الوسطى الا شق الطبله وطلع .

هذا في بوم اسود قررت اروح الجمعيه وطبعا من زود الطفاقه والعيله لبست وطلعت بسرعه

وصلت الجمعيه نزلت بكل ثقه وافتريت بالجمعيه بكل ثقه وعلى أأل من مهلي وانا اخذ الشغلات خلصت ورحت السياره ابطل الباب ولا برد طايح ع الكشن يعني ايس كريم لغير الناطقين بالعربيه لا وكاكاو بعد

اطل افر التنوره ولا البرد مسوي عمايلووه ورا

اوروبا بكبرها بضيافة تنورتي لا والقهر التنوره بيضا

هههههههههههه يعني اللي يحب النبي يطمش

تبلعمت خو هوا ماكو ابي اتنفس انسى يامن يوصلني بيتنا

واللي يحر القلب زود ان الشابه اللطيفه اللي معاي ماكلفت خاطرها تقولي ومشيه الفلم علي

والله هالحجي من جم سنه بس الصدمه كانت قويه

صار فيني وسواس برد بسبتها

هذا اول المواقف اللي بحطها ..

وماني مطوله عليكم .

دوركم :).



الأحد، 5 أكتوبر 2008

حملة للكويت رِجالُهـا


حتى لا تظلم فئة ويهضم حقها ...

قررنـا .. البدء بالحمله ...

ابطالنــا .. رجال الإطفاء ...

شكراً .. للــ شجاعه .. شكراً للتضحيه...

دُمتم ...




الجمعة، 3 أكتوبر 2008

خلك من هالرخويات

خلك من هالرخويات

اليوم وكـالعاده وبما ان الروتين ماتغير ولا قدر يغيره العيد
كنت اتابع قناة فنون وتحديداً مسرحية قناص خيطان
المسرحيه رائعه دون شك .. وبالاخص قطات الفنان عبدالحسين عبدالرضا والرائعه حياة الفهد
من ضمن القطات اللي عجبتني وضحكتني من قلب كلمة لجمه (حياة الفهد) واهيا تنادي قناص يوم يكلم الجنس رعد وتقوله تعال اهني خلك من هالرخويات
الكلمه يات بالصميم يابتها عدل ام سوزان وحفزتني للكتابه عنها..
فعلاً رخويات
المشكله ان هالفئه بالذات ضد التصنيف .. وضد انها تكون ضمن فئة الرجال ..
وترفض الإشاره لها بكلمة رجل..
يعني رجال ضمنياً وشكلياً نساء ..
الغريب ان في من هالفئه رجال لا يمتلكون ادنى درجات الجمال وفوق هذا يقلبون حريم ..
زين ليش هالتغيير اللي مو بمحله ..
احنا شنو ذنبا نشوف مناظر اتييب اليهد كل ماطلعنا .. والقهر انهم صارو يمشون بينا عادي ولا جنه في شي
فل ميك اب – شعر – لبس - كل تقسيم بجسم المرأه صارو يملكونه .. ماعدا .......... مابي اخدش حياؤكم J
زين انت قلبت مافي مشكله شلون ع الحمال ؟؟؟
المشكله ان في مره صديقتي صادفت واحد منهم كامل الانوثه جمال – جسم
سألته بفضول المرأه المعتاد زين انت الحين قلبت في احد بيتزوجك ؟؟
زين مافكرت اذا بتحمل ولا لا ؟؟
النشوه اللي مفروض تحصل عند الممارسه قدرت توصلها ؟؟؟
اختصر كل الاجوبه برد فارغ بارد ماله معنى
اهم شي رفيجي مستانس !!!!!!
لغى كل شي يخصه واكتفى بالجنس ... والوناسه ...
سؤالي اهوا ؟
هل تعتقدون هالفئه مظلومه ؟؟
تتوقعون في حل لهم ؟؟
لو تكتشف ان في احد من اهلك من هالفئه شنو بتكون ردة فعلك ؟؟؟